ACTIVIDADE 9: INFOGRAFÍAS

Vídeo na rede sobre privacidade. podemos comentalo e facer un traballo de infografía sobre el:  


Sobre as infografías... 
Imos facer un traballo con imaxes: as infografías. Wikipedia define a infografía como: "La infografía es una representación más visual que los propios textos, en la que intervienen descripciones, narraciones o interpretaciones, presentadas de manera gráfica normalmente figurativa, que pueden o no coincidir con grafismos abstractos y/o sonidos. La infografía nació como un medio de transmitir información gráficamente".
Un exemplo de infografía podería ser:



Google Drive  ten unha ferramenta que vos permite traballar con imaxes. Podemos traballar todos con ela para unificar o método. Tamén podedes empregar Openoffice Draw, Impress, Gimp...
Tamén na Rede hai servicios gratuitos queche permiten crear infografías. Os siguientes son especialmente interesantes, xa sexa polo sinxelo da súa interface ou pola diversidade de opcións que  ofrecen:
- Infogr.am
- Visual.ly
- Easelly
- Piktochart

Hai moita información na rede sobre como facer unha boa infografía, adxunto tedes un esquema con consellos para organizarse e consellos, máis abaixo do que non debedes facer... 
Aquí tedes unhas normas básicas:




Aquí tedes uns apuntamentos finais que vos poden axudar:

ACTIVIDADE 8: SOFTWARE E HARDWARE

Tipos de Software

Define brevemente no teu blogue os seguintes termos relacionados có Software da páxina de GNU ou da páxina sobre Software libre en  Tecnoloxia.org

• Software libre
• Software de código aberto
• Software de dominio público.
• Software privativo.
• Shareware.
• Freeware.
• Software comercial

Crea unha táboa na que poñas, como mínimo, dous exemplos de diferente tipo de Software  que servan para unha mesma aplicación : (por exemplo como programa de debuxo Paint é S. privativo, Draw é S.libre) e pubícaa nunha entrada.

• Sistemas operativos
• Procesador de texto
• Folla de cálculo
• Editor de imaxes
• Navegador web
• Antivirus
• Xogo
• Outros que suxiras

Para aclarar máis as ideas vede o vídeo sobre software libre de tecnoloxia.org




Despois editade a imaxe seguinte, procurando simplificala:



E ademáis creade unha imaxe similar con algún dos outros tipos de software.

ACTIVIDADE 7: LIÑAS DO TEMPO

Hai unha forma de presentación que se chama LIÑAS DO TEMPO. Para presentar unha información cronolóxica pode ser moi interesante. Por exemplo ides presentar a evolución da Física e da Química cun destes programas.
LIÑAS DO TEMPO: Podedes ver un titorial Timerime:

Tutorial Timerime from Red de Escuelas Medias

Crea unha conta en TIMERIME ou en TIMETOAST, (seguindo ás instruccións do titorial é sinxelo) e presentade o voso traballo sobre a historia da FÍSICA e da QUÍMICA nunha liña de tempo. Aquí tedes un exemplo dunha liña de tempo sobre a historia da Ciencia para inspiraros: www.timetoast.com/timelines/51558

Outro programa que podedes usar se vos gusta máis é : XTimeline: http://www.xtimeline.com/http://www.xtimeline.com/

Compartide as actividades con ALEJANDROINFORMATICA4ABC@gmail.com e publicádeas no blog coa etiqueta correspondente.

ACTIVIDADE 6: PRESENTACIÓN PREZI

Unha vez que teñades conta en PREZI podedes facer unha presentación nun formato moi orixinal. Iredes facendo unha especie de zoom sobre as diapositivas da presentación. Na páxina de PREZI podedes buscar manuais e prezis de mostra. Eu atopei na Web este vídeo:

Odedes ir ao canal que ten PREZI en YOUTUBE:http://www.youtube.com/PreziVideoChannel

ACTIVIDADE 5. PRESENTACIÓN EN GOOGLE DRIVE: SEXUALIDADE

Imos empregar un recurso da Web: GOOGLE DRIVE
Tedes que ter unha conta de correo en Gmail. Unha das persoa do equipo vai ser a "directora" que invite aos outros a traballar e editar a presentación.
Tedes un folleto informativo como base para comezar a traballar. Podedes buscar máis información na Web.
Recordade que a presentación non é un informe. Procura condensar as mensaxes e as informacións do xeito máis conciso e visual posible.Emprega imaxes, vídeos, sons,...

Hoxe falamos de sexualidade

Aquí tedes o que comentamos na clase. É o vídeo das TED Talks no que helen Fisher fala de porque amamos. É unha visión dunha bióloga e antropóloga. Recoméndovos que vaiades á súa páxina web:






A súa web é : http://www.helenfisher.com/ Está en inglés, pero xa sabedes que tedes que afaceros a esa língua, polo menos para ler.
Xa seguiremos a falar.

Hoxe falamos das DROGAS

Ola. Estiven vendo un programa documental na TVE2: REDES  (de Eduard Punset). Aínda que nunha entrevista de 30 minutos non se pode profundizar moito, pareceume interesante. Podíades vela e na clase se queredes comentamos. O vídeo o tedes aquí:

Redes - Moléculas que enganchan

• Redes - Moléculas que enganchan

É moi importante que neste tema te informes ben. Pode que en temas de saúde non sexa conveniente buscar ao chou na rede poñendo nun buscador termos moi xerais. O bo da rede é que hai moita información, pero o malo é que pode escribir calquera, aínda sen coñecer o tema ou distorsionándoo en función das súas preferencias. Trátase de buscar nas webs máis "científicas" posibles, e esas son as dos gobernos e as das institucións de investigación. Tamén nas ONGs. En xeral se atopas o dominio .gov ou .org ou .edu, as webs son de confianza e poderás atopar verdadeira información.

Sobre o tema de drogas hai webs do departamento de saúde dos Estados Unidos que están moi ben. Son moi informativas e ás veces tratan os aspectos científicos do tema, non só dando "bos consellos".
Para o temas das drogas en xeral podedes atopar moita información en:

NIDA: National Institute on Drug Abuse: http://www.nida.nih.gov/researchreports/
Dende aí podedes buscar "En español" ou "Spanish Research Reports" se non andades moi ben co inglés. Veredes que o español ás veces é un tanto "curioso" e poden soar algunhas palabras un pouco raras ("reporte" por "informe", etc). Podes atopar informes sobre moitos tipos de drogas.

Tamén hai unha web do NIDA propia para xóvenes. Ao mellor che gusta máis. Parece máis atractiva e dinámica, pero creo que non teñen versión en español. Bótalle unha ollada a ver que che parece: http://www.teens.drugabuse.gov/

Aínda que está pensado como materiais para o profesor tamén podedes aproveitar: http://teens.drugabuse.gov/educators/lesson-plans-and-materials/mind-over-matter


Para o tema do alcohol teñen outra web especificamente adicada ao tema: (tamén teñen tradución ao español, aínda que non todos os artigos)
NIAAA: National institute on Alcohol Abuse and Alcoholism: http://www.niaaa.nih.gov/publications/brochures-and-fact-sheets

Nós tamén temos webs oficiais. Na Xunta tedes: http://www.sergas.es/MostrarContidos_N3_T01.aspx?IdPaxina=30022 Dende aí podedes buscar.

E en España temos o Plan Nacional sobre Drogas do Ministerio de Sanidade e Consumo: http://www.pnsd.msc.es/Categoria1/otras/geograf/esp_geog.htm

Tamén pode ser interesante botar unha ollada á FAD (Fundación de Axuda á Drogadicción): http://www.fad.es/Home

¡¡Despois de todo isto ídevos converter nuns especialistas (ollo, falo só no aspecto científico) na materia!!

Se atopades algunha web interesante ou outro recurso (vídeo, documental,...) non esquezades facer un comentario.
Ata outra.

ACTIVIDADE 4: POSTS CON AUDIO

ACTIVIDADE 4: POSTS CON AUDIO

Aquí tedes un reproductor de audio mp3. Como no video hai que copiar o código html do reproductor e pegalo no post en modo HTML.
Podedes atopar reproductores co código HTML en: http://flash-mp3-player.net
Claro que así só teredes o reproductor coa música de mostra. Se queredes arquivos vosos, teredes que darvos de alta e acceder a DROPBOX. Alí na carpeta "Public" creades unha carpeta "Music" e ides metendo os arquivos mp3 que desexades para o voso blog.
Despois hai que copiar a dirección do arquivo mp3 aloxado en DROPBOX no código do reproductor en HTML. O problema é atopar a etiqueta e o valor onde hai que pegar a URL do arquivo. Mellor velo na clase.
Ata outra!!

ACTIVIDADE 3: INSERCIÓN DE IMAXES E VIDEOS

ACTIVIDADE 3: INSERCIÓN DE IMAXES E VIDEOS

IMAXES: Teredes que insertar imaxes no blog. É moi sixelo xa que tedes a icona de inserción de imaxes en modo Redacción. O único é que tedes que ter gardada na vosa carpeta a imaxe que queredes insertar. Podédela descargar de Flick Creative Commons. Se colledes fotos na modalidade "Attributtions" non haberá problemas co copyright xa que son imaxes de libre uso. Agora non ten moita importancia, pero se ides facer un blog serio e vos facedes famosos, seguro que non vos apetecerá ter problemas cos autores.
A imaxe se pode insertar con distintos tamaños, alinear, .... Investiga seleccionándoa e premendo o botón secundario para ver as opcións.

VIDEOS: Tedes videos de titoriales de BLOGGER en youtube. Trátase de rebuscar ata atopar algún bo que che axude a desenvolver toda a capacidade do programa.
Teredes que saber insertar videos no voso propio blog e non só enlaces a youtube. O xeito é ir a youtube e buscar o video que che interese. Despois terás que seguir os seguintes pasos.

1. Ide a YOUTUBE e seleccionade o video que vos interese colocar no voso blog.
2. Premer o botón Compartir. Verás despregados os botóns "Caixa de texto" e "Insertar"
3. Premer o botón Insertar
4. Copiar o código que aparece na caixa. (Seleccionao e preme Ctrl + C)
5. Observa outras posibles opcións.
6. No post debes cambiar a modo HTML (non se pode pegar directamente en modo Redactar). Non te preocupes do que vexas aí, son códigos que xa estudaremos. Todo parece diferente: non hai formato de texto, desapareceron as imaxes,... 
7. Coloca o cursor onde queras insertar o video.
8. Pulsar Intro para separar o código do texto.
9. Pegar (Ctrl + V) o código.
10. Volver ao modo Redactar.
11. Nunca esquezas gardar os cambios importantes que vas facendo.
12. Volve ao modo Redacción. ¿Aparece o video?

¿Doado, non sí?

AVISO IMPORTANTE!!!

Estou a comprobar os correos que me mandastes. ¡¡¡AÍNDA HAI XENTE QUE NON ME MANDOU O SEU ENDEREZO DE CORREO !!!!

Moi mal os que nin sequera mandastes o voso correo. Así vamos mal. Para o venres quero ter todos. Non teño a lista de todos vos, pero así de memoria faltan as direccións de Brais e Paula.

Cambiando de tema: Se están a dar os premios Nobel. Para que vexades que o mundo da ciencia non é tan aburrido recoméndovos estes Nobel alternativos. Soen ser moi graciosos. Incluso as entregas se poden ver por you tube. A dirección da web é: http://www.improbable.com/category/ig-nobel/

Por outro lado puxen na lista de blogs uns  blogs premiados  DE MODA para que vexades a estética, o deseño, a colocación de gadgets,...Ahí terán que ir os vosos cando teña a dirección dos vosos blogs. POR CERTO TEDES QUE MANDALA nun correo electrónico.
 Atopei outros blogs premiados en: http://blog.rtve.es/premiosbitacoras/2012/11/finalistas-mejor-blog-de-ciencia.html Podedes ir para ver como o fan outros. Fixádevos na estrutura, deseño, colocación dos gadgets,... Non importa tanto o que din.
Ata outra e traballade como estas esquíos de terra!!!!!

¡¡Que dura é a vida!!

¡¡Facendo amigos!!

ACTIVIDADE 2: CORREO GMAIL E BLOG

ACTIVIDADE 2: CREACIÓN DUNHA CONTA DE CORREO, UN AVATAR E INICIAR UN BLOG

Unha vez que teñas unha conta de correo en gmail, tes que crear un avatar e usalo como a túa imaxe na conta (procura que se lle pareza, pero non fai falta que sexa cuspidiño a ti!!!)
O seguinte paso é a creación dun blog. Deberás enviarme a dirección, así como crear dentro do teu blog un listado dos blogs dos teus compañeiros.
Recorda que na internet sempre poderás atopar axuda para resolver as dúbidas. Por exemplo para iniciar o blog tedes una referencia en: https://support.google.com/blogger/answer/1623800?hl=en
Ánimo!!

ACTIVIDADE 1: REPASO WORD

ACTIVIDADE 1: EXERCICIOS DE REPASO DE WORD

Tedes que facer un traballo de repaso de word. É imprescindible saber formatear un texto e facer deseños, saber traballar con táboas, esquemas, etc.
Tedes que entregar no meu correo, nun arquivo zip, unha carpeta co voso nome, apelidos e a palabra "word", os seguintes traballos:

• Traballo de formateado básico: texto con destrezas básicas.
• Uso de táboas: horario de clase.
• Uso de tabulacións: directorio de teléfonos.
• Uso de cadros de texto e formas: mapa conceptual do método científico.

Seguro que vos resulta moi doado xa que teño entendido que sodes uns expert@s na materia!!!

Para os despistados lles recordo que a miña dirección de correo é:

alejandroinformatica4abc@gmail.com

INICIO

Imos comunicarnos co blog para ver os traballos que teredes que facer. Colocaredes os vosos traballos no voso blog coma se fose unha libreta de actividades. Tamén vos irei comentando o que hai que ir facendo a través do meu blogue.

O meu blogue é: http://alejandroinformatica4abc.blogspot.com.es 
Outro xeito de  ir ao blog é facendo clic aquí: Alejandro.

Aí atoparedes información das actividades que teredes que facer ao longo do curso. Como e onde atopar recursos, axuda, ...Tamén como hai que facer os traballos e cando haberá que entregalos. Tamén poderedes plantexar cuestións, comentarios,...

Sempre recorda a miña dirección de correo: alejandroinformatica4abc@gmail.com que podes enlazar aquí ou na imaxe do buzón:

Un saúdo e ánimo!!